Valhalla

Cando morra quero

Un enterro viquingo.

Prendédeme lume

E botádeme ao mar.

Deixádeme partir a Valhalla

Coas miñas posesións:

A miña guitarra

E o seu sorriso,

Pintado nos meus beizos

Con un último bico.

Daphne

Espertar de madrugada

Pegado ao teu corpo

Que nos sobre cama

Que nos sobre roupa.

Coas luces de neon,

Dun cartel que sentencia:

"She is so Indie and I'm so Cowboy",

Iluminando con suavidade

O percorrido do meu desexo

Polas túas pernas

Subindo dende os nocellos ao pescozo

Cada intre,

Cada bico,

Convulsiona algo no meu interior.

"Give me the sunshine with a smile, Daphne".